Шест романи ја продолжуваат трката за Роман на годината

Во трката за „Роман на годината“ на фондацијата „Славко Јаневски“, остануваат шест романи: „Страв од варвари“ од Петар Андоновски, „Последното име на иднината“ од Живко Грозданоски, „Земја на бегалци“ од Кица Колбе, „Маџун“ од Влада Урошевиќ, „Утеха за голите“ од Давор Стојановски и „Некој бил тука“ од Нина Андова Шопова.

Романот на годината се избира од страна на стручна жири-комисија во состав: Фросина Пармаковска (претседател), Богомил Ѓузел, Елизабета Баковска, Александар Прокопиев и Катерина Богоева.

Оваа година, наградата „Роман на годината“ ќе се додели по јубилеен дваесетти пат од кои осумнаесет пати ја додели „Утрински Весник“, а по неговото згаснување, веќе втора година по ред, ја доделува фондацијата „Славко Јаневски“. Наградата се состои од статуетка, плакета и паричен износ во висина од 150 000 денари.

Напишете коментар

Вашата адреса за е-пошта нема да биде објавена.