Јадранка Владова е македонска писателка, критичарка, преведувачка, антологичарка и учебникарка. Родена во Скопје, на 20 април 1956 година. На Филолошкиот факултет во Скопје ги предавала предметите Светска литература и Литература за деца.

Автор е на следните книги: Скарбо во мојот двор, (1986); Воден знак, (1990); Измислување на светот, (1991); Мојот пријател А. (1992); Девојчето со две имиња (1993 и 2001); Волшебноста на зборот (1994); Гледалото зад огледалото (1999); Деца како мене (во коавторство со фотографот Владимир Тодоров), 2000; Куќа, (2001); Исток – Запад (роман во коавторство со Небојша Кнежевиќ), 2002.

Има пишувано и приредувано книги за јазикот, теорија на литературата и други области: Учебник по македонски јазик за I година гимназија (ПЕКСНАС), 1997; Македонско-чешки речник (со група чешки соработници), 1998; Основи на демократијата за I одделение (2000); Пристап кон лирската песна за основното образование (2000); Читанка за петто одделение (2001); Македонски јазик и литература за петто одделение (2001); Македонски јазик и литература за шесто одделение (2001); Детска литература (2001).

Ги има преведено Борис Билетиќ: Машки врисок (превод од хрватски јазик), 1987; Ристо Јачев: Заточеник на мракот (препев на српски јазик), 1996; Јордан Радичков: Ние, врапчињата (превод од бугарски јазик), 2000 и 2001.

Починала во Скопје, во декември, 2004 година.