Драгана Евтимова (1984, Скопје), ги има објавено книгите: „Постоењето на динамиката“ (2005), „Јас сум некаде на друго место“ (2011), „Фусноти по сеќавање“ (2014) и епистоларниот роман „Се гледаме наскоро. Е.“ (2017, заедно со Владимир Лукаш).
Пишува кратки раскази, хаику и поезија. Нејзините песни се препеани и објавени на неколку јазици, меѓу кои: кинески, англиски, српски, хрватски, словенечки, романски, албански, полски, словачки, босански и украински јазик, како и на он-лајн портали.

Застапена е во неколку антологии на македонската современа поезија издадени во Македонија, Србија, Словенија, Босна и Херцеговина, Словачка и Романија, Украина и Кина.
Има учествувано на бројни книжевни манифестации и резиденцијални престои во Македонија и надвор. Во Приштина на поетската манифестација „Ditet E Naimit“ доби награда за најдобра зборка преведена на албански јазик меѓу два фестивала.

Активно преведува литературни дела од словенечки јазик.

Тука можете да прочитате неколку нејзини необјавени раскази.